.: 曼谷遊之番外篇

嘻嘻！今次上機好幸運有個靚女空姐企響旁邊做逃生示範，
心諗今次既旅程，已經有個好既開始啦！哈哈！

點知．．坐坐下感覺有d暈．．
在加上d乘客食野d味啊，古龍水味啊，
好俗既香水味等，攪到有d想嘔．．
不過為了唔好失禮人地，唯有死頂啦！

之前都聽friend講過，曼谷好多靚女，果然無老點我！
靚女通街都係！最難忘既就係響機場搭巴士時，
同一位纇似全智賢既氣質靚女同巴士，心諗今次真係不枉此行！

雖然呢幾日係遊玩，唔洗做，但就比平時返工仲早起身！
心情總係覺得有d唔抵！（正懶人一名）

響Chatuchak 市場見到間檔口係位artist出售佢自畫既T shirt，
就欖住幫襯下，奈何小弟支金有限，結果只係同佢閒聊幾句．．

可能佢見到我有一鼓artist氣質，識英雄重英雄之下，
佢即場揮筆，幫我畫幅肖相畫送俾我，真係唔該晒！

不過畫得我個樣...
佢既網站：www.peachpost.com

世界有幾大？估唔到今次響曼谷都俾我撞番我上次
去檳城玩時都遇到既同一個friend!

估唔到我地一世英明，響曼谷都會俾人呃錢！！
話說我地行Silom街行到好攰，
就是旦搵間響C.P. Tower内便既日本餐館食晚餐，
一坐低，就有條著到同餐館Captain一模一樣既人渣
同一位（真正）店員前來serve我地,
我地每點一樣菜，果人渣就用泰文叫店員落單，
表面睇落去真係以為餐館Captain分附佢店員做野甘...
果人渣仲話有免費雪糕，問我地要唔要，
見係免費，唯有免為其難要左佢囉！

食物一送上座時，果人渣就同我地講呢度食物一送上座就要先收錢，
（雪糕錢並沒有收）
由於肚一餓，個腦就唔會思考，就甘交d錢俾佢。
當食完步出餐館時，收銀員就嗌主我地，先知我地‘領野’左啦...

人渣一早已走左，乘低我地同另一個餐館Captain拗數！
我地話果人渣係同佢地店員一起落單喔！
如過果人渣唔係響呢度做事既，點解佢地店員又俾果人渣響度一起落單啊？
最後都勞動餐館經理出面，可能佢地都覺得佢地自己疏突，
俾個老千響店內行騙，于是就提議唔收我地食物錢，凈係收雪糕錢，
見係甘，一人讓一步，我地俾雪糕錢就走啦！
個雪糕真係唔好食！

聽說果位人渣，一行騙成功，出門口時就．．．