Bloody Victoria

靚仔裸女 - 位位任砌任殺唔嬲；
鮮血狂濺 - 兼送埋你血鮮大腸；
一切好料 - 盡在維多利亞壹號。

開始欣賞何超d演技~
而陳亦迅d演技就好浮誇。
有一幕何超幫佢口交時，
d表情浮誇到...會令你以為佢係俾人割緊包皮。

乜咁啱啊? "亡友"....

你啊星啊....

係好down時, 偏偏好多"亡友"咁啱就post d 擊中要害嘅激勵言論.
想點啊? 攞景定贈興先?!




冇錯! "亡友"既"網友"也!
因為大家冇互相回應, 基本上大家都當對方死嘅!

深不可測的"腦細"

"腦細"今朝早一入到office，就問個staff..

"個printer整好左啦？"

Staff回應：個technician禽日都冇過到黎整個printer.

"腦細": 已call左個technician，佢話今日先至會過黎。

Staff : ...........................

"腦細"既然正話都call左個technician，
話佢知今日先至會過黎整個printer，
既係話禽日冇過到黎整啦！
甘仲問個printer整好左未？

喪魚

相比起魷魚，
條咸魚已變成為咸魚過咸魚嘅咸魚....
亦都係條游屍漂肉嘅咸魚...
俗稱喪屍咸魚；簡稱喪魚。

TQ~

Thank you曬! 大家姐! XD

容量空間 & 佔用面積 II

容量空間 & 佔用面積 I I之
“同一水平線嘅設計”

一個高13.8cm，容量空間高10.8cm嘅洗臉液膠罐，
裝了100ml嘅洗臉液。
而100ml嘅洗臉液佔左了幾多嘅空間面積呢？


稍微打斜一下... 就見到啦！


得佔左5cm高嘅容量空間....
其餘嘅5.8cm容量面積又係裝空氣的。

個膠罐label設計得真係好！
5cm高嘅容量水平，
係o岩o岩同個label嘅橙色bar同一水平線...

容量空間 & 佔用面積 I

龍哥嘅南馬生日遊 - 痳坡(完結編)

第二日朝早，飲過杯milo，
左護法就帶我地到稻田行一轉，
吸收下新鮮空氣～


左護法 一片苦心，希望籍著對住一大片嘅稻田，
可以令龍哥忘記了塵世間嘅煩腦；
但係....


龍哥又 開始感觸起黎....

一大片青青稻田都唔work，
左護法再轉個場地，到溫泉去！
籍著溫暖泉水來清洗龍哥嘅過去回 憶...

個溫泉 同想像中好大出入，
所以冇影低任何相。
因為只得一個池供浸腳，及兒童嬉水池。

跟住就有理冇理龍哥嘅心情，
我地就 到市區食早餐啦！



大懶堂 升級版 - 太懶堂！


痳坡式 叉燒，紅紅地嘅～

左護法推荐嘅蘿蔔糕。


到 痳坡食蘿蔔糕，就認定呢一檔啦！


食 完早/午餐，冇逗留好耐,
連當地出名嘅"號碼"咖啡館都冇去幫襯；
我地就起程返番K.L.啦！
因為當晚龍哥會有壽宴...

- 完 -

龍哥嘅南馬生日遊 - Batu Pahat

海又睇左，蝴蝶又睇完；
龍哥總算還了個心願啦！
跟住就直剷到峇株巴辖 (Batu Pahat)食晚餐。


不過我地到左Batu Pahat都只不過五點零鐘，
離晚餐時間又早，而附近又冇乜好去處，
左護法就介紹我地到當地嘅老字號 - L記雲吞麵，
食d野頂下肚癮兼過下d時間。

當地嘅雲吞麵(乾撈麵)就同新國嘅一樣，
乾乾嘅麵加上d辣醬；清清地。
但我始終都係對馬六甲嘅雲吞麵情有獨鐘～


間舖嘅招牌叉燒；
叉燒中規中矩，得d醬汁味道補救。
冇乜驚喜。

轉下眼晚餐時間就到，
于是就約左位退隱搖滾樂壇嘅吉他手 - “容哥”；
到當地出名嘅“海地”街食晚餐聚下舊～

冇見一排，容哥消瘦左唔少。
果然.. 老竇係唔易做... XD


容哥同左護法大力推薦嘅五香；
得確係令人有驚喜！香，味俱全！
最可惜係我地遲左點呢味五香，
好多好料好快就賣曬左！


得返豬肉沙爹～ 因為雞肉沙爹已賣曬！
d沙爹醬冇平時我地食嘅咁"傑"。


Otak-otak~ 味道都幾接近痳坡o架！


食甘多熱辣野，來碗冰冷嘅八寶冰；
真係一大享受～

難得同容哥聚舊～ 梗係無所不談啦！
但一傾到玩band，埋藏係容哥佢心內嘅果團火又再爆發...

唔小心撩起左容哥果團火，梗係要識得點埋科啦！
於是就交待容哥，當心內嘅果團火又再重燃時，
睇多幾套TVB劇集就可以息火啦！
萬試萬靈o架！

食完晚餐，同容哥道別之後，
再剷上痳坡，到左護發嘅屋企住一晚。

終於食到容哥嘅豆腐啦！

Eh..應該係甘講：
終於享用到容哥親手整嘅豆腐花啦！

食過容哥豆腐花，再重溫衛星電視套"英雄本色"；
大家就入枕啦！
第二日早重有痳坡嘅行程。

....（待續）....

龍哥嘅南馬生日遊 - 馬六甲

上星期勞動節前夕，龍哥為左慶祝佢嘅生日，

特登“要”我地帶佢到南馬遊；仲指定要到馬六甲嘅蝴蝶山莊玩！
呢個提意足已令我地"R"曬頭...
平時熱愛蒲bar(唔係pub)飲酒嘅龍哥，竟然會去睇蝴蝶？？


龍哥仲要週五晚就落馬六甲... 有于係公共假期前夕，
我地係響highway係塞車塞到馬六甲的...


到了馬六甲，食過晚餐，龍哥又一令人驚人提意，
要到海邊睇海... (原來心急要週五晚就到馬六甲，係為左睇海??)


第二日早上，與由痳坡上黎馬六甲嘅左護法 - 青龍會合之後，
就到龍哥指定到N年前令佢食之返尋味嘅牛肉麵餐館食早餐。


雞排麵&招牌川味牛肉麵

食完早餐，就直剷到蝴蝶山莊....睇蝴蝶。


一到蝴蝶山莊，龍哥就暴出一句....

話說幾年前，龍哥帶佢前女友到此地遊玩時，
錯過時間，冇入到去玩...
所以我地推測，龍哥要到蝴蝶山莊睇蝴蝶，
極大嘅原因係要禰補佢心中嘅遺憾！
頂！仲要倆個麻甩佬山長水遠黎陪你...

蝴蝶山莊掛名“蝴蝶”山莊，
但d蝴蝶只佔一小部份兼冇乜睇頭。
而其他各佔一小部份包括了鳥啊，鯉魚，蛇啊，鱷魚啊，昆虫同標本。



而呢度展出嘅蛇好多都係Special Color edition o架！
有相為證～


睇下！條蛇嘅迷彩都幾潮o架！


手信店就梗少不了，不過賣d野都係外國入口貨。



....（待續）....

马六甲旅游景点网站

'堂口' 兄弟

彩色照片提供: 義少, 龍哥&堅兄


上星期六係堂口嘅130週年晚宴,
我地呢班分離五湖四海嘅兄弟們又再次聚會啦!
真係要多謝西門兄嘅努力付出, 聯絡番我地呢班兄弟們!
而今次出席嘅兄弟人數, 就比上次多左好多!

堂口每一年都培養出一大批新人,
所以呢次週年晚宴, 會有唔同年份嘅人仕出席;
而為其壯大我地呢一邦93年兄弟嘅聲勢,
個個就特登著起由小弟設計嘅衫,
表示我地係同心一體!

一到晚宴門口, 就見到個個著住件衫企係度,
個場面好不壯觀~ 有圖為證架, 冇呃你o架!


放心! 我地唔係去劈友~ 而係去飲!


成班兄弟聚集之後, 就滾滾浩蕩咁入去報到啦!


呢個兩年一次嘅晚宴, 就設立係擁有130年歷史嘅堂口聖地.
話明有130年歷史, 個晚宴場面就梗係唔係野少啦!
你睇下!


好多嘅兄弟都係難得17年後再聚舊...


晚宴開席前, 由已退休, 但仍受歷屆兄弟尊敬嘅話事人主持敲鐘儀式,
冇錯! 話事人係外國籍人仕!
唔講你唔知, 我地呢個堂口係由外國人設立o架!


跟住校歌就奏起~ 宴席開始!


校歌? 冇搞錯! 真係校歌~
我所謂嘅'堂口', 咪就係學堂囉!
話事人? 學堂嘅話事人咪就係校長囉!

成班黑衣人, 似唔似黑社會呢?


130週年晚宴咁大場面,
梗係要放爆仗贈一贈興, 咁先至似樣嘛!


93年百厭星齊齊到二樓影番張相留念~


班百厭星又番到以前教室攪攪震~
難得嘅係Mi士又陪我地一起癲~


闊別多年再聚, 循例都要在來個大合照嘅~


癲又癲完了, 大合照又影了~
都係時候做d大家當年係學堂想做又唔做得嘅野~
係乜? 就係飲酒同燒煙啦!


睇下班友仔飲得幾high~~


難得聚會, 而班友仔又飲得咁high, 點都唔會夠嘅喇~
所以晚宴一完, 就直剷到friend嘅pub,
開始第二場嘅歡飲; 直到凌晨3點幾....


後記: 值得一提, 我地學校間廁所,
係馬六甲學校內, 最大, 最豪華兼最乾淨o架!